Rainwater Harvesting (RWH)

Ang RWH ay ang pagkuha at pagtabi ng tubig-ulan, mula sa simpleng gamit sa bahay hanggang sa mas komplikadong sistema para sa mas malaking pangangailangan.

Iba't ibang uri ng Rainwater Harvesting System (RWHS)

Water Butt RWH

  • Ito ang pinakasimpleng uri ng RWH dahil kailangan lang nito ng isang barrel o maliit na storage tank na kumukuha ng tubig-ulan mula sa bubong.

  • Ideal ito para sa basic na gawain tulad ng pagdidilig ng halaman o panglinis sa labas ng bahay.

Direct-Pumped (Submersible)

  • Ang RWH system na ito ay gumagamit ng pump na nakalubog (submersed) sa loob ng storage tank.

  • Diretso nitong pinapadala ang tubig-ulan sa mga gamit sa bahay (hal. gripo, inidoro).

  • Maaari rin itong ikonekta sa iyong water provider (hal. Maynilad) kapag kulang ang tubig-ulan.

Direct-Pumped (Suction)

  • Sa RWH system na ito, ang pump ay nasa labas ng storage tank, kaya mas madali itong i-access at i-maintain.

  • Diretso nitong pinapadala ang tubig-ulan sa mga gamit sa bahay (hal. gripo, inidoro).

  • Maaari rin itong ikonekta sa iyong water provider (hal. Maynilad) kapag kulang ang tubig-ulan.

Indirect Gravity

  • Ang RWH system na ito ay gumagamit ng pump para iakyat ang tubig-ulan papunta sa secondary tank na nakalagay sa mas mataas na bahagi ng bahay, para natural na bumaba ang tubig gamit ang gravity.

  • Ang secondary tank ay diretsong konektado sa mga gamit sa bahay (hal. gripo, inidoro).

  • Gumagana lang ang pump kapag pinupuno ang secondary tank.

  • Maaari rin itong ikonekta sa iyong water provider (hal., Maynilad) kapag kulang ang tubig-ulan.

Indirect Pumped

  • May secondary tank din ang RWH system na ito, ngunit gumagamit ito ng booster pump na diretsong nakakonekta sa mga gamit sa bahay (hal. gripo, inidoro) para siguradong malakas at adjustable ang water pressure.

  • Hindi tulad ng Indirect Gravity RWH, ang secondary tank ay maaaring ilagay sa anumang taas dahil hindi ito umaasa sa gravity. Mas bagay ito sa mga bahay na kailangan ng flexible na placement at malakas na daloy ng tubig.

  • Ang main pump ay gumagana lang kapag pinupuno ang secondary tank.

  • Maaari rin itong ikonekta sa iyong water provider (hal. Maynilad) kapag kulang ang tubig-ulan.

Gravity Only

  • Ang RWH system na ito ay walang ginagamit na kuryente o pump.

  • Kailangan na ang storage tank ay mas mataas ang pwesto kaysa sa lahat ng outlet sa bahay.

  • Natural na dumadaloy ang tubig gamit ang gravity kaya napakatipid ito sa enerhiya.

  • Praktikal lang ito kung tugma ang elevation at layout ng bahay.

Paano ba ito simulan?

Hindi kailangang komplikado ang rainwater harvesting—simple at abot-kaya ang unang hakbang upang simulan ito sa bahay. Alamin ang mga simpleng paraan ng pagsasagawa nito, iba’t ibang uri ng tangke, at iba pang mga dapat isaalang-alang.

Alamin pa

Karaniwang Katanungan

Frequently Asked Questions (FAQs)

I-click ang dropdown sa ibaba para sa karagdagang impormasyon.

Ang rainwater harvesting ay ang pag-iipon ng tubig-ulan upang ito’y mapakinabangan muli.

May iba’t ibang dahilan kung bakit ang tao ay nagsisimulang mag rainwater harvesting. Ilan lamang dito ay upang makatipid sa gastos sa tubig, makabawas sa localized na pagbabaha, magkaroon ng libreng tubig upang gamitin sa iba’t ibang gawaing bahay tulad ng paglalaba o paglinis, at iba pa.

Hindi kinakailangang maging mahirap o komplikado ang pagsisimula ng rainwater harvesting. Ito ay maaaring simulan sa simpleng paglabas ng balde tuwing umuulan upang saluhin ang tubig mula sa langit. Ngunit para sa mas advanced at standard na pamamaraan ng rainwater harvesting, kakailanganin ay paglaanan ito ng mas maraming pera at oras. Para sa general na cost estimates ng mga lalagyan ng tubig-ulan, maaaring bisitahin ang bawatpatak.com.

Ang tubig-ulan ay hindi maaaring inumin hangga’t ito’y hindi nagagamitan ng tamang proseso ng filtration at disinfection. Maaari itong gawin sa pamamagitan ng distillation, UV disinfection, reverse osmosis, at iba pang paraan. Upang mas alamin pa ang paraan ng treatment na naaayon sa’yo, maaaring bisitahin ang cdc.gov o freshwatersystems.com.

Maaari pa ring gamitin ang untreated na tubig-ulan sa mga gawain na hindi kinakailangan ang pagkonsumo nito tulad ng pagdidilig ng halaman na hindi kakainin, pag-flush ng inidoro, at maging ang simpleng paglilinis ng garahe at iba’t ibang bahagi ng bahay.

Oo, ang tubig-ulan ay maaaring pamugaran ng mga lamok kung hahayaan ito nang basta-basta. Ang karaniwang payo upang hindi dumami ang lamok sa tubig-ulan ay takpan ang sisidlan, lagyan ng mesh screens ang mga inlet at outlet, pati na rin ang regular na paglilinis. Para sa mas detalyadong impormasyon tungkol sa pag mosquito-proof ng tanke na pang tubig-ulan, maaaring magtungo sa sahealth.sa.gov.au.